ياللي على البال تطري وانت ماتدري
وش ذنبه اللي يحبك و انت خليته
وش ذنب قلب ٍ رسم لك حبه العذري
وش ذنب دمع ٍ على طاريك هليته
لو كان عمري في يديني فدوتك عمري
لكن عمري بدين الي ترجيته
انه يرد الزمان اللي على خبري
و اعيش ليلك و حلم كم تمنيته
يوم ان قلبك بصدري وانت في صدري
طيف ٍ سكن بالحشا واثر الحشا بيته
الأيام تجري و عمري بالشقا يجري
حتى الشقا منك رافقته و حبيته
اصبر على حالتي ويملني صبري
و اعيش في لوعتي و اقول يا ليته
و الليل في ناظري يا صاحبي يسري
و الشعر لأجل الهوى جبته و غنيته
و اذا تكلم عذولي قلت له عذري
ان الهوى يذبح العاشق وا نا جيته
و لا انت ما تدري انك كل ما تطري
يصيح بين الحنايا شي خليته